قصيدة عتاب فوق الخيال روعتها ؟؟

______يالي زعلت ازعل ولاني مراضيك\\..........\\اشرب كثر ماء البحر كانه يرضاك

______لاتحسب اني عقب صدك بداريك\\..........\\بعز نفسي عنك مدراك مدراك

______اربع سنين و انا متحمل تغليك \\..........\\راضي بتعذيبك لأجل قلب اغلاك

______وخليتني و اليوم والله لأخليك \\..........\\وأدوس قلبي لينه يقول خلاك

______قبل توريني الحساير وأوريك \\..........\\لين ما ينقال فلان هانك ووراك

______كانك تحداني فأنا اقبل تحدي\\..........\\وانسى الغرام الي مضا واتحداك

______منب قايلك عسا الله يهنيك \\..........\\ عسا الله يحرمك كل ما كان هناك

__عسا العمى ياخاين العهد يعميك\\..........\\فوق الغرور الي عن الماضي اعماك

__وعساك ما تسمع قريب يناديك \\..........\\حيثك تجاهل صوت محروم ناداك

وعسى الشلل تعوق رجل تمشيك\\..........\\لينك تندم ليش غيرت ممشاك

وعسى حياتك بس فرحه لشانيك \\..........\\يلقى بها الفرصه عدوك ويشناك

وعسى اليال الي تجيني بطاريك \\..........\\يصبح عليها الصبح وتموت طرياك

وعسى المنام وكل راحة تجافيك \\..........\\آمين حتى الي تمناه يجفاك

و عساك ما تفرح و تكثر بلاويك\\..........\\وأمك تشق الجيب من عظم بلواك

ولا مت جعلك في جهنم تصاليك\\..........\\نار الجحيم ونار دنياك تصلاك

الله يكره فيك حتى دوانيك \\..........\\غشاش خاين من من الناس داناك

هذي النهايه روح والله يجازيك \\..........\\أمسك ويومك عنه والغد يجزاك