يا بحر بسألـك ليـش امواجـك الليلـه تعانـي
انت مثلي يا بحر قبل امـس فاقـد لـك حبيبـه
إنت متضايق عشانك .. وإلا متضايـق عشانـي
اسالـك بالله يـا بحـر ... ويـش المصيبـه؟
إلا اقول:!.. اسكت وانا بحكي عن اللي لك خذاني
ببتدي معك الكلام... وكـل مـا عنـدي بجيبـه
تذكر اللـي لا لفتنـي بشـر القلـب المحانـي
تذكر اللـي كلهـا حـب وغـرام ونهـر طيبـه
تذكر اللي صوتها تشتـاق لـه حتـى الموانـي
كـل مينـا يسـأل الثانـي .. اذا طـول مغيبـه
تذكر اللي فـي كفوفـي تشعـل الدنيـا امانـي
تذكر اللي نورهـا سـود الليالـي تقتـدي بـه
تذكر اللـي سلهمتهـا تقلـب الساعـة ثوانـي
تذكر اللي عطرها حتـى طيـورك تحتفـي بـه
تذكر اللـي علمتنـي كيـف اروض هالمعانـي
كل ما مرت عليـه رحـت للشعـر انتخـي بـه
تذكر اللي كـل صبـح تمرنـي باحلـى تهانـي
صار كل العمر عيد وصارت اقرب مـن قريبـه
قبل يومين تركتني ورحلت مـع شخـص ثانـي
شخص ما كانت تحبه بس مدري وش تبي بـه؟؟
ادري اني مـن سببهـا كاسـر خاطـر زمانـي
وادري اني اول انسـان كسـر خاطـر نصيبـه
وادري ان الله خذا مني مثل مـا هـو عطانـي
وادري ان الغالية راحت رضـا ماهـو غصيبـة
بس اقول الله كريم وعمـر كـل النـاس فانـي
والمكان اللي خلا من زولها وش ينبغـي بـه؟؟
مدخلـك بالله قلـي حـط نفسـك فـي مكانـي
وش تسوي يا بحر لا صـرت فاقـد حبيبـه؟؟؟
تــــــــــحـــــــــيـــــــــــــاتـــــــــــي ((( الوافي )))
قصيدة اقرائها الف مرة وكانها المرة الاول 
العرض العادي
