وش جاك منّي يومني كل ما .. رن
عليك .. ماألقى لاتّصالـي اجابـه
مارق لي قلبـك ولا خاطـرك حـن
مدري جفـا ذا منْـك ولاّ عوابـه
ياأحلى مخاليق الله الانس والجـن
وأطهر من رشاش المطر و السّحابه
ياللي زهـور الفـل منّـه يغـارنّ
يامن بدا فيـه الحسـن وانتهابـه
قلّطت لي فنجال كايف بـلا .. بـن
طعمه وطعم التـوت فيهـم تشابـه
ولحّفتني باللي كمـا الليـل وأدكـن
وخلعت عن خوف المواجـه ثيابـه
وذوّقتني حـلاك وبـذوق وب فـن
أبعدت عنـي كـل حـزن وكأبـه
وروّحت ساع اعروق جوفك تغـذّن
وحوّل عن الرجم الطويـل الذيابـه
تثقل بعد مااقفيت يامخيّـب الظـن
عقلك بدا ف شوي يفقـد صوابـه
ركّبتني مشـروه وعاتبتنـي عـن
وقـتٍ خذانـا ماحسبنـا حسـابـه
ماكنّك اللـي يـوم خلّيتـه انْجَـن
ولا اهتنا .. فـي زاده ولا شرابـه
تبكي وترسل دمع عينك علي كـن
الفرْح لامن غبت .. يكثـر غيابـه
وماكنّي اللي جيت ياصغيّـر السـن
وعمّرتها لك عقب ماهـي خرابـه
فكّر يااعز انسان فـيّ .. وتمعّـن
ولاتصـد وقـوّ عزمـك وجـابـه
مانيب متضايـق ولانيـب محـزن
وصلك هلا به .. والمفارق هلا بـه
حضّر وعطني من أخيرك ولا تمـنّ
واذا الجفا والهجر شرّعـت بابـه
يمكن تعلّق ب ألف غيـري ولكـنّ
أنا الوحيـد اللـي بتشكـي غيابـه
اتمنى تنال اعجابكم
اخنـــــــ ــــــــــــاتون
@ يــــآصغيــــــرٍالسن @ 
العرض العادي
